遇上尼斯湖

相信你一定被質問過：如果我同佢跌左落海，你會救邊個先？或者有人問道，如果世界只剩下一人和你過活，你會選誰？或者問，如果你死前想見一個人，你會見邊個？我當然會答道：你識游水嫁喎；或者說，如果世界真係死剩我，我梗係自殺啦！

請先不要鄙，最近覺得這類問題有大智慧，有些人和事是要到生死關頭才會明晰起來的，而這有著相當重要的預設：其實人係忠於自己，不擅自欺的——這倒是對人性作出了一定程度的肯定。

以下一段小故事，也可以說是萬試萬靈的測試！寫得可能像小說，但確是友人M發生的親身經歷（這樣插了M幾刀，都算人渣〉。這人好聽點說是面面俱圓，難聽點說是變臉王。M聲稱對以下三人都有好感，而M對待這三人時，都按其個別性情而採取不同的態度。事情未發生之前，這三人在M的心目中是「三國鼎立」，拉成均勢。

M和A已經很熟，因此對話時不經大腦，不留情面，例如會當面直斥其非：你不嬲都係豬黎嫁，唔做豬野都唔係你啦！茫茫人海找到這等暢所欲言的朋友都算難得了，我覺得M其實很珍惜A。

B卻是M心中的類型，只是B的性格較為內向，而且不擅表達自己，每次M看到B都戰戰兢兢，連粗口都不說，M保持斯文形象之餘，突然超級順得人意，因此在A面前口水可媲美「黃河」的M，在面對B時可以寧靜如「尼斯湖」。

C可說是在二者之間，可以談天，又不會太熟，可以說笑但不敢過火。M說：C都ok，至少唔駛「就住就著」，又未熟到變左知己——真的想不到中庸都有分加！這時的M頗為俏皮，但也頗為收歛。M這時就是簡單的「城門河」，你話佢無景睇又有點過分，你話佢靚咩，實比人扔蕉皮。

天意弄人，突然在一個mini party裡，M巧遇三人，而且有二十分鐘左右的時間，三人不經意地和M同桌。cafe裡打起旱天雷，M心臟停頓，心想：頂，唔係掛！係諗過，但唔信真係發生嫁嘛。我冷說一聲：你都有今日了。同時心中也替M緊張。

這也可說是生死關頭了，M會做「黃河」定「尼斯湖」，定係穩打穩紮做返socsoc的「城門河」，相信你們都知道了，我都猜到了。

尼斯湖，一定係尼斯湖，一來驚，二來——也是最重要的是：人是「犯賤」的，M最可能得不到的就是B，就選對他最好；愈有機會失去，就愈想得到。M變得沉靜、有禮。變回膽小乖學生的M細細聲問A：今天上班怎樣呢？A臉容一曲，一定心想你話你唔鍾意B打死都唔信！我也不屑狂鄙，說甚麼「知己難求」、「唔駛就住就住，平常心啦」，二十分鐘就夠出賣你啦，人類！！

生死關頭，理性大塞車，人便不自覺依照內心深層的欲望前行，誰也騙不了誰。愛情世界一大堆藉口——都是廢話，行為卻騙不了人，人畢竟不擅於自欺，這是為我所深深相信的。如果你身邊有幾個不錯的對象，不知如何是好，不用怕，一起約他們食餐飯吧，真正的答案一定會自動浮現。