20091201

視后:民意壓到內定

【就係呢個姿態!】


今屆視后之爭,異常好看,鄧萃雯四奶奶好戲係人都知,師奶學生乃至大學知識分子都記得四奶奶柴九聯鬥大奶奶,但因為鄧不是tvb「親生女」的關係,本來贏哂的鄧萃雯忽然被楊怡正名單挑:宮心計還未播出,楊怡已被高層大讚:佢好好戲!

電視劇頒獎禮內定係人都知,所謂投票,透明度不高;所謂評審,不過是tvb高層,但內定是一件事,觀眾咬牙切齒又是另一件事。遠追2004年《金枝慾孽》鄧飾演如妃娘娘一枝獨秀,卻被演戲像哮喘病發的黎姿「搶后」,廣管局因而接26宗投訴,tvb幾乎被人罵足五年。但頒獎禮係鬧劇,一台獨辦,不涉及所謂公正,幾乎不涉責任問題,我頒比自己人,大可用大奶奶語調反問一句:關你康寶琦咩事?觀眾要投訴,其實無理由,觀眾罵足五年,頒獎禮年年收視爆燈,tvb廣告有着落,你奈佢唔何,你罵得愈大聲,佢愈歡喜。

楊怡橫空出世,但聲勢不足一月瞬即滑落,原因無他,差太遠。內定歸內定,但不能太過份,近來高鐵、總辭成為城中話題,民意聲音絡繹不絕,是因為,政治,預左黑暗,但實在不可以太離譜。

鄧萃雯在電視史上堪稱民意象徵,不論tvb如何壓後頒獎禮,如何塑造神話,真相永遠不被湮滅。因此我覺得鄧萃雯今次爭后意義重大,就是看,你可以漠視民意漠視至甚麼的程度!

No comments: